By: muhammad nawaz
ہم دیوانوں کی دنیا کے
دستور نرالے ہوتے ہیں
چہرے پہ سجا کر خوشیوں کو
غم دل میں پالے ہوتے ہیں
تم کیا جانو ان لوگوں کو
تم کیا سمجھو ان روگوں کو
جن روگوں کا اس دنیا میں
اب دست مسیحا کوئی نہیں
ان لوگوں کو تم کیا سمجھو
ان لوگوں کو تم کیا جانو
کہ جن کے دہکتے سینوں میں
پانے کی تمنا کوئی نہیں
وحشت کے تقاضے سارے ہیں
حاصل کا تقاضہ کوئی نہیں
ان عشق کے مارے لوگوں کے
دکھوں کا مداوا کوئی نہیں
یہ کرچی کرچی پرتو ہیں
تکمیل سراپا کوئی نہیں
تم چلنا چاہو سنگ ان کے
کچھ رستہ تو چل سکتے ہو
لیکن منزل کے دھوکے میں
انکے ہاتھوں میں ہاتھ نہ دو
سن لو انکی ساری باتیں
سب لفظ سجا لو سینے میں
ہاں لیکن میری بات سنو
انکا وحشت میں ساتھ نہ دو
انکی وحشت وہ وحشت ہے
کہ جس کا کنارا کوئی نہیں
دیکھو تو یہ ہیں سارا عالم
سوچو تو نتیجہ کوئی نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?