By: Saghar Saddique
موج در موج کناروں کو سزا مِلتی ہے
کوئی ڈوبے تو سہاروں کو سزا مِلتی ہے
میکدے سے جو نکلتا ہے کوئی بے نشہ
چشمِ ساقی کے اشاروں کو سزا مِلتی ہے
آپ کی زُلفِ پریشاں کا تصّور توبہ
نگہت و نُور کے دھاروں کو سزا مِلتی ہے
جب وہ دانتوں میں دباتے ہیں گلابی آنچل
کتنے پُرکیف نظاروں کو سزا مِلتی ہے
میرے پیمانے میں ڈھل جاتا ہے پُھولوں کا شباب
میرے ساغر میں بہاروں کو سزا مِلتی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?