By: وشمہ خان وشمہ
اس کی غیروں سے ہے پہچان میں مر سکتی ہوں
مجھ سے چاہت کا یہ فقدان، میں مر سکتی ہوں
مجھ کو رہتی ہے تری دید کی خواہش اکثر
تیری خواہش میں مری جان میں مر سکتی ہوں
وصل امرت یہ پلا دو نامجھے ہونٹوں سے
مجھ پہ کر دو نا یہ احسان میں مر سکتی ہوں
میں ترے پیار میں ہر بار ہی صدقے جاؤں
تم بھی توڑ و نہ مرا مان میں مر سکتی ہوں
اپنی قربت کی مجھے آج حرارت دے دو
گھر کے باہر ہے زِمستان میں مر سکتی ہوں
ساغرِ زیست مرے ہاتھ میں دے دو وشمہ
شہر کا شہر ہے ویران میں مر سکتی ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?