By: Naghma Habib
یہ خانہ خدا یہ عبادت گہہ مومن
اُس روز ہو گئی تھی شہادت گہہ مومن
خونِ معصوم سے جب اس کی زمیں سرخ ہوئی تھی
ہر سمت اس کے صحن میں جب لالہ کھلی تھی
منظر میری آنکھوں میں بسا آج بھی وہ ہے
موت میرے پاس سے جب ہو کے گئی تھی
میرے کھیل کے سا تھی وہ میرے دوست تھے سارے
اُن سے کھیل کود کے میں نے کئی دن تھے گزارے
اُن لمحوں کی لذت مجھے محسوس ہے اب بھی
آتے ہیں میرے پاس وہ، سوچوں اُنہیںجب بھی
لگتی تھی دوڑ ہم میں کہ جیتے گا کون آج
مسجد میں جو پہنچ گیا اول، اُسی کا تاج
﴿پھر کسی ظالم نے محفل یہ اجاڑی﴾
یہ پوچھے کوئی ان سے کہ تم کون ہو کیا ہو
کیا سوچتے تم خود کو بندگانِ وفا ہو
کہتا ہوں میں تم ظلم کی تصویرِمحبت کی ادا میں
سچ یہ ہے کہ تم جبر کی تدبیر اور تقدیرِخدا میں
سن لے یہ ہر ایک ظالم و جابر کہ اندھیرا
مٹتا ہے تو نکلتا ہے ہر روز سویرا
اس دیس کا ہر بچہ اطاعت کی ادا بن کے رہے گا
وہ خون جو بہا ہے محبت کی بِنا بن کے رہے گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?