By: Azra Naz
سب سفینے ڈبو چکی ہوں میں
سارے رستے بھی کھو چکی ہوں میں
میری تقدیر جاگ جا اب تو
دیکھ لے کب سے سو چکی ہوں میں
اور کیا دوں ثبوت چاہت کا ؟
تیرا سہرا پرو چکی ہوں میں
تم نے جو تیر مجھ پہ پھینکا تھا
اس کو دل میں کھبو چکی ہوں میں
کیسے تو مجھ سے دور جائے گا
تجھ کو جاں میں سمو چکی ہوں میں
ہو گیا خشک آنکھ کا ساگر
اتنا جی بھر کے رو چکی ہوں میں
دل کو اب اور درد مت دینا
داغِ دل اپنے دھو چکی ہوں میں
وہ مرا ہو نہ ہو مگر عذراؔ
دل سے اب اس کی ہو چکی ہوں میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?