By: شاہین فصیح ربانی
ناؤ اپنی ڈبو رہا ہے تو
جاگتا ہے کہ سو رہا ہے تو
آرزو مندِ شادمانی دیکھ!
فصل اداسی کی بو رہا ہے تو
تیرے کندھوں پہ کیا ہے کچھ بتلا
بوجھ یہ کس کا ڈھو رہا ہے تو
جانتا بھی ہے، کچھ نہیں حاصل
پھر بھی پانی بلو رہا ہے تو
مجھ سے پھولوں کی ہے توقع اور
آپ کانٹے چبھو رہا ہے تو
آج دیکھا ہے تجھ کو غصّے میں
’’کتنا دلچسپ ہو رہا ہے تو‘‘
کچھ خبر ہے، فصیحؔ شعروں میں
درد اپنا سمو رہا ہے تو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?