By: Dr.Zahid Sheikh
رفاقت کے تری قصے کئی برسوں پرانے ہیں
مگر اب تک ہمیں سب یاد وہ گزرے زمانے ہیں
ہوائیں بھی بڑی پر زور ، موجیں بھی ہیں طوفانی
سفر دشوار ہے اور دور بھی اپنے ٹھکانے ہیں
یہ کیسے مان لوں مجبور ہیں وہ آ نہیں سکتے
اگر ملنا ہو تو ملنے کے کتنے ہی بہانے ہیں
انھیں بھی ناز نظروں پر ، ہمیں بھی ناز ہے دل پر
چلائیں تیر نظروں کے سب ہم نے آزمانے ہیں
نئی الفت میں خود کو مبتلا کرنے سے ڈرتے ہیں
ابھی تو پہلی چاہت کے الم دل سے بھلانے ہیں
یہ روح و جسم کا رشتہ تو اک دن ٹوٹ جانا ہے
حقیقت ہے یہی سب سے بڑی باقی فسانے ہیں
کسی بھی شہر میں پائی نہ لوگوں سے وفا ہم نے
رہیں اب اس جگہ زاہد جہاں ہر سو ویرانے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?