By: AzharM
داستاں تو نہیں ہوں میں ہرگز
اک گُماں تو نہیں ہوں میں ہرگز
ڈھونڈتا ہے مجھے خیالوں میں
پر وہاں تو نہیں ہوں میں ہرگز
ڈانٹئے گا تو شور کر دوں گا
بے زباں تو نہیں ہوں میں ہرگز
تُم کو کھو کر جو مُسکُراتا ہوں
شادماں تو نہیں ہوں میں ہرگز
سر کا سایہ سمجھ کے رکھا ہے
سائباں تو نہیں ہوں میں ہرگز
تُم پہ برسوں کی مہربانی ہے
ناگہاں تو نہیں ہوں میں ہرگز
چوڑیاں تو نہیں پہن رکھیں
ناتواں تو نہیں ہوں میں ہرگز
کہ رہا تھا مجھے اُڑا دے گا
اک دھنواں تو نہیں ہوں میں ہرگز
جانے کیوں تُجھ سے پیار ہے اظہر
مہرباں تو نہیں ہوں میں ہرگز
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?