By: Sobiya Anmol
کھڑی کرتا ہے رستے میں دیوار کہیں کہیں
شاید اُس کے دل میں ہے پیار کہیں کہیں
گماں ہوتا ہے اُس کی نادان حرکتوں سے
ملتے ہیں محبت کے آثار کہیں کہیں
چپ کے تالے کھلنے لگے ہیں دھیرے دھیرے
چھیڑتا ہے باتوں باتوں میں ذکرِ یار کہیں کہیں
رُلا دیتا ہے مجھے ٗ رو پڑتا ہے خود بھی
بننا چاہتا ہے وہ میرا غم خوار کہیں کہیں
نگاہیں جھکا لیتا ہے محفل میں بیٹھے ہوئے
سجے ہیں اُس دل کے کوچہ و بازار کہیں کہیں
دل میں کیا ہے مگر صاف صاف نہیں کہتا
شاید وہ بھی ہے محبت کا گنہگار کہیں کہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?