By: zaigham jaffery
آنکھ ہے اشک بار ٹوٹ گیا
یہ دلِ داغ دار ٹوٹ گیا
ایک دل ہی مرا سہارا تھا
وہ مرے غمگسار ٹوٹ گیا
بے ردا ان کو دیکھ محفل میں
اپنا سارا خمار ٹوٹ گیا
پھر یوں بارش ہوئی عنایت کی
بے رخی کا غبار ٹوٹ گیا
جب رقیبوں سے پیار بڑھنے لگا
دل ہوا سوگوار ٹوٹ گیا
بڑھتے بڑھتے شکوک اتنے بڑھے
اپنا رشتہء پیار ٹوٹ گیا
ساری دنیا کو چھوڑ کر میں نے
جو کیا استوار ٹوٹ گیا
جعفری بے سکون رہنے لگے
جب سے قلبی قرار ٹوٹ گیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?