By: Dr. Muhammed Husain Mushahi Razvi
یانبی چشمِ عنایت کیجیے
دور سارے رنج و کلفت کیجیے
آپ واقف ہیں مرے حالات سے
یانبی تکمیل حاجت کیجیے
آرزوے دشتِ طیبہ دل میں ہے
پورا یہ شوقِ زیارت کیجیے
میں مروں ارضِ مدینہ میں حضور
طیبہ میں مدفن عنایت کیجیے
نعت لکھتا ہی رہوں ہر پل حضور
روز افزوں ذوقِ مدحت کیجیے
ذکرِ سرکارِ دوعالم کے طفیل
سنیو! سامانِ راحت کیجیے
کیجیے امداد کی فریاد بھی
منکروں پہ خوب لعنت کیجیے
نعرہ کیجے یارسول اللہ کا
منکروں پہ خوب لعنت کیجیے
دوستو! نعتِ شہِ دیں کے طفیل
دور غم کی ساری صورت کیجیے
اِس گداے در مُشاہدؔ پر حضور
التفاتِ بے نہایت کیجیے
اعلیٰ حضرت کا مُشاہدؔ چار سو
عام پیغامِ محبت کیجیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?