By: وشمہ خان وشمہ
رہِ الفت کے سفیروں میں مرا ذکر تو ہے
تری راہوں کے ٖفقیروں میں مرا ذکر تو ہے
کب یہ حالات لے جاتے ہیں ترے در پہ مجھے
ترے ہاتھوں کی لکیروں میں مرا ذکر تو ہے
کیا ہوا آج میں یاقوت یا مر جان نہیں
پھر بھی الماس سے ہیروں میں مرا ذکر تو ہے
اور اب ہجر میں رہنے کی سزا مجھ کو نہ دے
زندگی تیرے اسیروں میں مرا ذکر تو ہے
جس کے آنگن میں جھکیں پیار کی کرنیں وشمہ
ایسی درگار کے پیروں میں مرا ذکر تو ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?