By: Riffat Yasmin
دردِ دِل کا علاج کون کرے
کل نہ ہو پایا ، آج کون کرے
میں سمجھتی ہوں جن کو فرسودہ
ایسے رسم و رواج کون کرے
سارے ہی کھیت ہیں پڑے بنجر
ان میں پیدا اناج کون کرے
بن سکے جو نہ سائباں سر کا
اس کو پھر سر کا تاج کون کرے
اب تو روٹی کے پڑ گئے لالے
پورا بیٹی کا داج کون کرے
ہو جہاں جبر کی حکمرانی
اس جگہ احتجاج کون کرے
کوئی جینے کی اب نہیں صورت
زندہ ، مردہ سماج کون کرے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?