By: Syed Sajid Ali
اپنے آپ نُوں لبن ٹُریا
اپنا آپ نہ لبے
آل دوالے سارا ویکھیا
چاتیا سجے کھبے
اپنا آپ نہ لبے
وریاں پہلے جگ دا میلہ ویکھن لئی ساں ٹُریا
ولیندیاں راواں وچ ایسا گواچا
فیر نہ پچھاں نُوں مُڑیا
جی جی نُوں کھلار کے پُچھیا
ویکھیا کسے نے مینوں
تُوں تے ایتھوں چنوکرا لنگ گیا
ہُون کی لبنا تینوں
چار چفیرے گپ ہنیرا
ٹھیڈا کھاوے لنگے جیڑا
سوچ دا پینڈا مُکن تے نہ آوے
خیال دا سمندر سُکن تے نہ آوے
جند دی کشتی ٹُر دی جاوے
ویلے دی برف کُھر دی جاوے
ادھی حیاتی لنگ گئی بلیا
باقی دی مخول پئی لگے
اپنا آپ نہ لبے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?