By: Imtiaz Ali Gohar
ہم نے قسمت کے مخالف جو اشارے دیکھے
دوست اک پل میں بدلتے ہوئے سارے دیکھے
وہ جو ہر گام پہ ہمراہ چلا کرتے تھے
ٹوٹتے ایسے کئی ہم نے سہارے دیکھے
ہم نے خود چھیڑ لیا روح کے سب زخموں کو
اب بھلا کس سے کہیں درد ہمارے دیکھے
تم نے اک ہجر گزارا تو اُسے پا ہی لیا
ہم نے ہر بار محبت میں خسارے دیکھے
اپنی آنکھوں سے کروں پیار کہ ان میں اکثر
عکس لہراتے ہوئے ہم نے تمہارے دیکھے
آج بھی دل میں چمکتے ہیں ستارے بن کر
جو بھی آنکھوں نے مدینے میں نظارے دیکھے
اب کے برسات میں وہ جوش میں آیا دریا
ہم نے پانی میں کئی بار کنارے دیکھے
ساتھ جب اُس کا ملا تھا تو سفر میں گوہر
ہم نے ہمراہ کئی چلتے ستارے دیکھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?