By: Arif Raja
ذرا سوچ سمجھ اور کھول پلک
تو دیکھ لے ان کی ایک جھلک
یہ ووٹ سے تیری جیتیں گے
پھر تجھ کو ہی یہ پیٹیں گے
سب تاجے ماجے کھگے ہیں
یہ بکنے والے ٹگے ہیں
چل ان کو چھری قصاب دکھا
نہ اپنے لیے عذاب بنا
ذرا سوچ سمجھ اور کھول پلک
تو دیکھ لے ان کی ایک جھلک
تو لاین میں لگ لگ تڑپے گا
اور اپنے اپ پہ بھڑکے گا
یہ کر دیں گے کنگال تجھے
نہ روٹی ملے نہ دال تجھے
یہ جیلوں سے بھی چھوٹیں گے
اور خادم بن بن لوٹیں گے
ذرا سوچ سمجھ اور کھول پلک
تو دیکھ لے ان کی ایک جھلک
یہ لنڈن پیرس رہتے ہیں
ھم مر مر دکھڑے سہتے ہیں
کچھ خادم کچھ مخدوم یہاں
اور رشوت کی بھی دھوم یہاں
جب لوٹ کے دولت بھاگیں گے
کیا تب ہم خواب سے جاگیں گے
ذرا سوچ سمجھ کر کھول پلک
تو دیکھ لے ان کی ایک جھلک
یہ امریکہ کے یار سجن
اور انڈیا کے بھی گائیں بھجن
یہ ملک کو بیچ کے کھائیں گے
اور پھر جو ہم پچھتائیں گے
چل عہد کریں سب پا ئیں گے
اب ان کو مار بھگا ئیں گے
ذرا سوچ سمجھ اور کھول پلک
تو دیکھ لے ان کی ایک جھلک
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?