By: صاحبزادہ محمد لطیف ساجد چشتی
لُطفِ رب مِل گیا اور کیا چاہیے
ہو گئی ہے عطا اور کیا چاہیے
حمد کہتا رہوں حمد کرتا رہوں
ہے یہی مشغلہ اور کیا چاہیے
رب کی تعریف میں لفظ ڈھونڈا کروں
بس میں صُبح و مساء اور کیا چاہیے
حمد کہتے ہوئے اَشک بہنے لگے
دِل تڑپنے لگا اور کیا چاہیے
اَب نظر غیر کی سمت اُٹھتی نہیں
خَوفِ عُقبیٰ ملا اور کیا چاہیے
مولا نے نعمتیں رفعتیں بخش دیں
یہ عطا پر عطا اور کیا چاہیے
حمد کے پُھول ساجدؔ مہکنے لگے
دُور ہر غم ہوا اور کیا چاہیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?