By: Basheer Badr
ایسا نغمہ ہے جس میں صدا تک نہیں ایسی آندھی ہے جس میں ہوا تک نہیں
زندگی کی طرح جاوداں بیکراں اتنے مجبور جتنی فضا تک نہیں
چلتے مضمونوں کے نوٹس اور ترجمے اُجلے شو کیس میں سج گئے ٹھیک ہے
کیوں دکاندار رکھے کتابِ ادب اسے اب کوئی پوچھتا نہیں
اک سمندر کے پیاسے کنارے تھے ہم اپنا پیغام لاتی تھی موج رواں
آج دو ریل کی پیڑیوں کی طرح ساتھ چلنا ہے اور بولنا تک نہیں
رات کا کالا جادو ہے زُلف میں اپنے چہرے پہ سو رج کا چہرا رکھو
تیز نظموں سے لوگوں پہ حملہ کرو، یوں کسی کو کوئی پوچھتا تک نہیں
زعفرانی رنگ کے گیسوؤں کی گھٹا آسمانی رنگ کے کوٹ پہ چھا گئی
نرم یادوں کے اجلے فرشتوں کے پر دودھیا خاموشی اور ہوا تک نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?