By: Amer Roohani
دلِ بادشاہ کی خیر ہو
ترے خیر خواہ کی خیر ہو
وہ غزل نہیں مری آہ تھی
تری واہ واہ کی خیر ہو
یہی خاکسار کی ہے دعا
ترے عز و جاہ کی خیر ہو
مرا جرم ہے مرا عشق گر
مرے اس گناہ کی خیر ہو
نئے درد سے ہوا آشنا
غمِ رسم و راہ کی خیر ہو
یہی اشک ہیں مرے ترجماں
تری قاہ قاہ کی خیر ہو
دمِ ہجر کے مرے ہمنوا
سبھی مہر و ماہ کی خیر ہو
دلِ نارسا کی ہے آرزو
مرے کج کلاہ کی خیر ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?