By: muhammad nawaz
لذت عشق پہ رحمت ہیں سختیاں ٹھہرو
ابھی سینے میں اترنے دو برچھیاں ٹھہرو
کون دکھلائے گا پھر انکو آبلہ پائی
میرے تلووں کو چومتی ہیں کرچیآں ٹھہرو
اے میرے پردہ نشیں احتیاط ہے لازم
کاٹ نہ لیں زنان مصر انگلیاں ٹھہرو
شوق کو آس نے آواز دے کے بتلایا
کھولتی جا رہی ہے شام کھڑکیاں ٹھہرو
آج پھر لو کے تھپیڑوں سے کہا فطرت نے
جھولتی ہیں کہیں پینگوں پہ لڑکیاں ٹھہرو
اے چلتے وقت کی لہرو یہ سرعتیں کیسی
میرے ہمراہ ہیں یادوں کی تتلیاں ٹھہرو
میں تیرے پیار میں ایندھن بنوں تو کیسا گلہ
کاٹ ڈالو میری گل دار ٹہنیاں ٹھہرو
آزماتے ہیں چلو زور بادبانوں کا
ڈال دو بیچ میں طوفاں کے کشتیاں ٹھہرو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?