By: آفتاب احمد
گر محبت کے تم خسارے ہو
جان لو پھر بھی تم ہمارے ہو
تم ہمیں راس اس قدر ہو کہ
جیسے قسمت کے تم ستارے ہو
مجھ کو کیا واسطہ ہے دریا سے
میری موجوں کے تم کنارے ہو
روٹھنے دو جہاں کی خوشیوں کو
میری ہمت کے تم سہارے ہو
دور نیلے افق کے آنگن میں
پھوٹتی کرنوں کے تم اشارے ہو
میرے دامن میں آ کے دیکھو تو
میرے اس دل میں تم اتارے ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?