By: Azharm
ہر گھڑی دھڑکا ہے کیسا، کچھ نہ کچھ ہونے کو ہے
پاس ہی جب کچھ نہیں، پھر کیا ہے جو کھونے کو ہے
داغ ہےترک تعلق کا مرے دامن پہ جو
رغبتوں کا تیز دھارا ،آخرش دھونے کو ہے
اے چراغ آرزو، مدھم کرو کچھ اپنی لو
رات برپا ہو گئی، ہر شحص اب سونے کو ہے
حشر کے ہنگامہ ہائے سُرخ میں سرسبز ہو
ہے عجب اک شخص جو، اپنا بدن بونے کو ہے
کیا ہے اظہر سے تعلق؟ دے رہی ہے اُس کا ساتھ
اے شب غم، کیوں ہے لرزاں، تو بھی کیارونے کو ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?