By: مرید باقر انصاری
دَردِ دِل کی دَوا کرے کوئ
رَسم اُلفت اَدا کرے کوئ
میں جو تنہائیوں کا محور ہوں
مُجھ سے بھی تو مِلا کرے کوئ
کُچھ تو دِل کا بھی بوجھ ہَلکا ہو
دَرد میرے سُنا کرے کوئ
ٹُوٹے دِل سے صَدا نکلتی ہے
مُجھ کو اَپنا کہا کرے کوئ
یہ گُہَر کیوں زمیں پہ ضائع ہوں
میرے آنسُو چُنا کرے کوئ
آؤ ہَم پِھر سے ایک ہو جائیں
ہَم کو پِھر سے جُدا کرے کوئ
کاش ایسا نِظام رائج ہو
مَرتے دَم تک وَفا کرے کوئ
بُھوکے بَچوں پہ کیا گُزرتی ہے
جا کے ماں سے پَتا کرے کوئ
ہے یہ آدابِ میکدہ باقرؔ
شور و غُل نہ بَپا کرے کوئ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?