By: Muhammad Azam Azim Azam
اِسی کو مانو خدا کے بندوں ہے اِس میں لُطفِ دوام اُن کا
یقین ِ کامل سے کہہ رہاہوں نِظام حق ہے نِظام اُن کا
نبی ہزاروں ہی آئے لیکن کسی نے یہ مرتبہ نہ پایا
یہ شان ہے بس مرے نبی صلی اﷲ علیہ وآلہ وسلم کی ہے عرشِ اعلیٰ مقام اُن کا
جبین ِعرش اولیٰ پہ لکھا خدا نے نام ِ رسول اکرم صلی اﷲ علیہ وآلہ وسلم
خدا کا فضل وکرم ہے اُن پر بہت ہی اونچا ہے نام اُن کا
یہ ایک اُمی ّ کی شان دیکھو مثال اُن کی ملی نہ اَب تک
کہ ساری دنیا کے فلسفی بھی سمجھ نہ پائے مقام اُن کا
میں ناز کیسے کروں نہ خود پر؟ کہ اُمتی ہوں حبیبِ حق کا
وہ میرے آقا ہیں سب سے اعلیٰ بہت ہے اچھا کلام اُن کا
جِسے کہ روح الامیںلائے وہی تو وحی خدا ہے بے شک
خداکی جانب سے جو بھی آیا وہی بنا ہے کلام اُن کا
اِنہی کی رحمت کا ہے یہ صدقہ نصیب میرا کہاں ہے ایسا
کرم اِنہی کا ہواہے اعظم لکھا قلم نے جو نام اُن کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?