By: عبدالحفیظ اثر
ساتھ مجھ کو ترا ملا ہوتا
بس کیا کچھ نہیں ہوا ہوتا
میں تڑپتا رہا سہارے کو
تیرا ہی مجھ کو آسرا ہوتا
میری قسمت ہی بس سنور جاتی
دل میرا درد آشنا ہوتا
آرزو بس رہی تیری مجھ کو
میرا یہ مدعا روا ہوتا
غیر سے التفات نہ میرا
ورنہ اٌس کا پتہ چلا ہوتا
تیری خاطر لٹا دیا سب کچھ
یہ نہ سوچا کہ آگے کیا ہوتا
کوئی گزرا نہ وقت بھی ایسا
تُو تصور میں نہ رہا ہوتا
آرزو بس میری یہی رہتی
درد میں تیرے مبتلا ہوتا
تیری چاہت ہی اثر کو بھاتی
ورنہ جیتے جی مر گیا ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?