By: Fazlul Hasan
دل کی باتیں دل میں رہنے دیجئے
آج بس ان کو ہی کہنے دیجئے
دھلتے ہیں اشک ندامت سے گنا ہ
جھرنے یہ آنکھوں سے بہنے دیجئے
آپ کی ہمدردیوں کا شکر یہ
میرا غم ہے مجھ کو سہنے دیجئے
کب تلک ماریں گے ہم اپنا ضمیر
روکئے مت سچ کو کہنے دیجئے
ہار کانٹوں کا وہ دیتے ہیں تو کیا
آپ انھیں پھولوں کے گہنے دیجئے
چنئے گا نفرت کی اینٹیں کب تلک
آج یہ دیوار ڈھہنے دیجئے
پیار کیا ہے آپ کیا جانیں حسن
چھوڑئے اب اور رہنے دیجئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?