By: M Usman Jamaie
کیا نظارہ ہے اور کیا ہے روپ
ہے کرشمہ کہ معجزہ یہ روپ
چاندنی تیرے حُسن کی اور دھوپ
جیسے دن اور رات ملتے ہوں
بادلوں میں گھرا ہوا مہتاب
موتیے میں گھرا ہوا ہو گلاب
روشنی میں نہاتے یہ گیسو
جیسے نیلے گگن پہ آدھی رات
چاند تارے پگھل کے بہنے لگیں
اور یہ معصوم مہرباں آنکھیں
جیسے جھیلوں میں آسماں اترے
جیسے فطرت کی راحتیں ساری
خواب سارے، محبتیں ساری
سادگی سارے نونہالوں کی
ساری معصومیت فرشتوں کی
ان کی گہرائیوں میں بستی ہو
اور خدا کی عنایتیں ساری
ان میں اتریں، اتر کے رہنے لگیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?