By: Mohammed Ishrat Iqbal Warsi
میں دیوانہ ہُوں دیوانہ جنابِ غوثِ اعظم کا
میں مَستانہ ہُوں مَستانہ جنابِ غُوثِ اعظم کا
مجھے ساقی وہ مے لا دے جو اُنکے در پہ بٹتی ہے
میرا دِل بھی ہُو میخانہ جَنابِ غُوثِ اعظم کا
پرندہ بَن کے اُڑجاؤں اگر پرواز کے پَر ہُوں
سخی در دیکھوں روزانہ جَنابِ غُوثِ اعظم کا
نکیرو مجھکو پہچانو میری زنجیر کو دِیکھو
نہ چھیڑو میں ہُوں مستانہ جَنابِ غُوثِ اعظم کا
جو کھاتا ہے کسی کا وہ اُسی کے گیت گاتا ہے
میرا کھانا میرا گانا جَنابِ غُوثِ اعظم کا
وَہاں زاہد تڑپتے ہیں یَہاں اِنکے غُلاموں کو
مِلا لا تَخف پروانہ جَنابِ غُوثِ اعظم کا
جِسے چاہیں غَنی کردیں جِسے چاہیں وَلی کردیں
نَبی قاسِم سے ہے پانا جَنابِ غُوثِ اعظم کا
اے عشرت وارثی دیواہ کو چَل اب دور نہ رَہیو
کہ ہوگا جَلد بُلوانا جَنابِ غُوثِ اعظم کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?