By: dr.zahid Sheik
کبھی دلکش نظاروں کو کبھی رنگیں بہاروں کو
تصور میں تمھارے دیکھتے ہیں چاند تاروں کو
تمھارے حسن سا شہکار دنیا میں نہیں کوئی
جہاں میں ہم نے بھی دیکھا بہت سے شاہکاروں کو
سنائیں ان فضاؤں میں محبت کا مدھر نغمہ
قریب آ کر ذرا سا چھیڑ دو تم دل کی تاروں کو
نہیں اس دل پہ قابو کچھ عجب سی بے قراری ہے
بجھائیں آج کیسے پیار کے جلتے شراروں کو
تمھارے دل میں بھی ارمان جاگے ہیں محبت کے
سمجھ سکتے ہیں ان مخمور آنکھوں کے اشاروں کو
ذرا سی دیر کو رک جاؤ جانے کی ہے کیا جلدی
کہ ہم تو دیکھتے رہتے ہیں تیری رہگزاروں کو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?