By: Fazlul Hasan
راستوں منزلوں کی بات نہ کر
بے یقیں سلسلوں کی بات نہ کر
مفلسی سیکھ خود میں خوش رہنا
دوستوں محفلوں کی بات نہ کر
دونوں باہم رقیب صدیوں کے
کشتیوں ساحلوں کی بات نہ کر
بعد مدت سجی ہے بزم طرب
آج مردہ دلوں کی بات نہ کر
میرے دل کے بہت قریب ہے تو
دوریوں فاصلوں کی بات نہ کر
ایک ہی قافیہ ہے ایک وزن
عادلوں قاتلوں کی بات نہ کر
کچھ نہیں دیکھتے یہ دیکھ کے بھی
جرم میں شاملوں کی بات نہ کر
عاشقی دوستی خلوص وفا
اے حسن ناولوں کی بات نہ کر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?