By: ورد بزمی
غبارِ دشت ہوئیں وحشتیں ہیُولوں کی
جنوں میں رقص کرے تیرگی بگُولوں کی
میں جا بہ جا نہیں سر ایک جا جھکاتا ہُوں
مرے یقین میں میراث ہے رسُولوں کی
محبتوں میں بھی کیا کوئی آزماتا ہے
دلوں میں بات کہاں آگئی اصُولوں کی
جس آئینے میں ترا عکس جھلملایا تھا
اُس آئینے سے مہک آرہی ہے پُھولوں کی
میں ورۡد ہُوں مرا مسلک ہے رنگ اور خوشبو
مری سرشت میں کیا ہو چبھن ببولوں کی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?