By: Dr.Muhammed Husain Mushahid Razvi
اے کہ تو وجہِ بہارِ گلشنِ عشقِ نبی
دل کی دنیا تیرے دم سے مسکنِ عشقِ نبی
اے کہ تیرے خوش نما باغاتِ بخشش کے طفیل
صحرا صحرا کھل رہا ہے گلبُنِ عشقِ نبی
اے کہ تیرے ترجمہ میں کنزِایماں موجزن
ہر ورق لاریب! اس کا معدنِ عشقِ نبی
اے کہ تیرا لمحہ لمحہ وقفِ نعتِ مصطفیٰ
ذاتِ والا سر سے پا تک مخزنِ عشقِ نبی
اے کہ تجھ سے حفظِ ناموسِ رسالت بھی ہوا
ایک اک تصنیف تیری اُستُنِ عشقِ نبی
اے کہ تجھ سے نجد کے ایواں میں آیا زلزلہ
اور پھلا پھولا جہاں میں سَو سَنِ عشقِ نبی
عشقِ سرکارِ دو عالم کا تُو ہی گلزار ہے
’’بالیقیں تُو تو رضاے احمدِ مختار ہے‘‘
نام لیوا یہ مُشاہدؔ سُرخرو ہوگا ضرور
’’جو ترا دشمن ہے بے شک دین کا غدار ہے‘‘
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?