By: اعلیٰحضرت امام احمد رضا خان علیہ الرحمۃ الرحمٰن
گزرے جس راہ سے وہ سید والا ہو کر
رہ گئی ساری زمیں عنبر سارا ہو کر
رخ انور کی تجلی جو قمر نے دیکھی
رہ گیا بوسہ نقش کف پا ہو کر
وائے محرومی قسمت کہ پھر اب کے برس
رہ گیا ہمرہ زوار مدینہ ہو کر
چمن طیبہ ہے کہ وہ باغ کہ باغ سدرہ
برسوں چہکے ہیں جہاں بلبل شیدا ہو کر
صر صر دشت مدینہ کا مگر آیا خیال
رشک گلشن جو بنا غنچہ دل وا ہو کر
گوش شہ کہتے ہیں فریاد رسی کو ہم ہیں
وعدہ چشم سے بخشائیں گے گویا ہو کر
پائے شہ پر گرے یا رب تپش مہر سے جب
دل بے تاب اڑے حشر میں پارا ہو کر
ہے یہ امید رضاؔ کو تیری رحمت سے شہا
نہ ہو زندانی دوزخ تیرا بندہ ہو کر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?