By: طالب حسین ثباؔت
حقیقت ہے یا بس فسانہ محبّت
پتنگے کا خود کو جلانا محبّت
جو تعریفِ فرہاد شیریں سے پوچھی
تو بولی ہے وہ بس دوانہ، محبّت
محبّت کا رب سے جو تم کو ہے دعوی
بتاؤ ہے کیا سود کھانا محبّت؟
فدا کربلا میں کی شبّیر نے جاں
فقط کیا ہے آنسو بہانا محبّت؟
دلوں سے ہیں ہوتے محبّت کے سودے
کسی کو نہیں آزمانا محبت
محبّت ہے کرنی تو کھل کر کرو نا
نہیں ہم سے نظریں چرانا محبّت
کیا لوٹنے کا جو وعدہ ہے رب سے
بشر! اس کو ہے بھول جانا محبّت؟
ثباؔت الفت اک پاک جذبے کا ہے نام
سمجھ نہ سکے گا زمانہ محبّت
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?