By: Maulana Iltaf Hussain Haali
اے شعر دلفریب نه هو،تو تو غم نهیں
پر تجھ په حیف هے جو نه هو دلگداز تو
صنعت په هو فریفته عالم اگر تمام
ھاں سادگی سے آئیو اپنی نه باز تو
جوهر هے راستی کا اگر تیری ذات میں
تحسین روزگار سے هے بے نیاز تو
حسن اپنا گر دکھا نهیں سکتا جهان کو
آپے کو دیکھ اور کر اپنے په ناز تو
تو نے کیا هے بحر حقیقت کو موج خیز
دھوکے کا غرق کر کے رهے گا جهاز تو
وه دن گئے که جھوٹ تھا ایمان شاعری
قبله هو اب ادھر تو نه کیجو نماز تو
اهل نظر کی آنکھ میں رهنا هے گر عزیز
جو بے بصر هیں ان سے نه رکھ ساز باز تو
ناک اوپری دوا سے تری گر چڑھائیں لوگ
معذور جان ان کو جو هے چاره ساز تو
چپ چاپ اپنے سچ سے کیے جا دلوں میں گھر
اونچا ابھی نه کر علم امتیاز تو
ع
جو نا بلد هیں ان کو بتا چور بن کے راه
گر چاهتا هے خضر کی عمر دراز تو
عزت کا بھید ملک کی خدمت میں هے چھپا
محمود جان آپ کو گر هے ایاز تو
اے شعر راه راست په تو جب که پر کیا
اب راه کے نه دیکھ نشیب و فراز تو
کرنی هے فتح گر نئی دنیا تو لے نکل
بیڑوں کا ساتھ چھوڑ کر اپنا جهاز تو
هوتی هے سچ کی قدر په بے قدریوں کے بعد
اس کے خلاف هو تو سمجھ اس کو شاز تو
جو قدر داں هو اپنا اسے مغتنم سمجھ
حالی کو تجھ په ناز هے کر اس په ناز تو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?