By: Dr.Zahid Sheikh
یہ سر ، یہ لے، یہ مدھر ساز ہیں تمھارے لیے
حسین گیتوں کے انداز ہیں تمھارے لیے
تم اپنے حسن پہ مغرور کیوں نہیں ہوتے
کہ حسن پہ تو سبھی ناز ہیں تمھارے لیے
تمھارے پیار نے ہم کو بنا دیا شاعر
کہیں جو شعر تو اعزاز ہیں تمھارے لیے
گوارا ہو گی تمھاری کبھی نہ رسوائی
چھپائے دل میں سبھی راز ہیں تمھارے لیے
تمھارے سر کوئی الزام آ نہ جائے کہیں
یہ لب ہلانے سے ہم باز ہیں تمھارے لیے
یہ سر ، یہ لے ، یہ مدھر ساز ہیں تمھارے لیے
حسین گیتوں کے انداز ہیں تمھارے لیے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?