By: وشمہ خان وشمہ
رُوٹھی تقدیر پھر منا لی ہے
عشق صاحب سے اب دعا لی ہے
میں نے آنکھوں کے کیمرے سے تری
آج تصویر پھر بنا لی ہے
ہجر نے چھین لی ہے بینائی
درد نے زندگی چُرا لی ہے
رنگ گھولوں گی طشتری میں ابھی
وصل تیرا ابھی خیالی ہے
میں نے گلشن کے پھول سے مسکاں
اور کلیوں سے کچھ حیا لی ہے
اُس کی یادوں نے آ کے پلکوں پر
ایک دیوار سی اٹھا لی ہے
وشمہ میں نے بھی بتکدے میں ترے
اپنی تصویر اک لگا لی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?