By: Khalid Mahmood
اے مدینے کے مکیں تیرا کوئی ہم سر نہیں
تیرے در پہ جھک رہی ہیں بادشاہوں کی جبیں
خود خدائے پاک بھی تیری ثنا خوانی کرے
تو بادشاہ دو جہاں ، تو رحمت اللعالمیں
بے کسوں کا تو سہارا ، غم کے دریا کا کنارہ
زخموں کا مرہم ہے تیرے پاؤں کی خاک زمیں
تیرے جیسا خوب سیرت تیرے جیسا با کمال
کالی کملی کی قسم پیدا ہو سکتا ہی نہیں
تیرے در پہ جو بھی جائے دامن اپنا بھر کے لائے
تیرے دم سے ہی صدائیں پہنچتیں عرش بریں
تو نے ہمیشہ سے دکھائی راہ حق و نور کی
دشمنوں نے بھی گواہی دی ہے تو صادق امیں
محبوب تو اس ذات کا ، خالق جو کائنات کا
سردار تو نبیوں کا بھی ، اے خاتم المرسلیں
تجھ پہ ہوں لاکھوں درود اور تجھ پہ ہوں لاکھوں سلام
تجھ پہ میری جاں نثار اے شفیع المذنبیں
التجا ہے میری آقا نار پل صراط پر
تھام لینا میرا بازو گر نہ جاؤں میں کہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?