By: M Usman Jamaie
شب کہیں ہو بسر بھی ضروری نہیں
دوستو! اب تو گھر بھی ضروری نہیں
زندگی پر انا کو فدا کیجیے
زندگی اس قدر بھی ضروری نہیں
جب گھروں ہی میں صحرا کا سامان ہو
ہو جُنوں دربدر بھی ضروری نہیں
کوئی تصویر نہ ہو تو دیوار کیوں
ہو نہ دستک تو در بھی ضروری نہیں
اعتبار اپنی فطرت ہے، دستور ہے
آپ ہوں معتبر بھی ضروری نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?