By: dr.zahid sheikh
چمن نہیں ہیں مری زندگی میں صحرا ہیں
بتاؤں کیسے مجھے مشکلات کیا کیا ہیں
مرے لبوں کو تو عادت ہے مسکرانے کی
چھپائے دل میں مگر میں نے غم کے دریا ہیں
میں اپنے گیتوں کو اب لے بھی دے نہیں سکتا
کہ میری طرح مرے سر بھی آج تنہا ہیں
کبھی تھی ایک حقیقت کہ تجھ سے ملنا تھا
اور اب تو خواب ہی تیرے ترا نظارہ ہیں
مجھے رلا کے تو رویا تو اس سے کیا حاصل
کیا تیرے آنسو مرے درد کا مداوا ہین ؟
ہوں ان کے ساتھ بہت خوش ہے گرچہ تنہائی
کہ میرے شعر ہی میری حسین دنیا ہیں
خوشی پہ ہو یا کسی غم کے موقع پر کوئی
ہماری ساری ہی رسمیں محض دکھاوا ہیں
غریب خانہ بدوشوں سے پیار کر زاہد
یہ آخرت میں ترے بہترین وکلا ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?