By: Dr.Muhammed Husainb Mushaid Razvi
خدا کے فضل سے پیغامِ کردگار آیا
جو بے قرار تھے اب تک اُنھیں قرار آیا
کچھ اس ادا سے وہ جانِ گل و بہار آیا
کہ پھول ہی نہیں کانٹوں پہ بھی نکھار آیا
وہ جن کی خودسری صدیوں پہ تھیں محیط مگر
نگاہِ لطف و کرم سے انھیں سنوار آیا
دلوں پہ نقش نہ رہ پایا کوئی نفرت کا
کچھ اس طرح سے وہ تقسیم کرتا پیار آیا
خلوص و عدل و مساوات و نظم و ضبط و وفا
جہاں میں بانٹتا محبوبِ کردگار آیا
نظامِ خُلق و مروّت تھا ہر جگہ برہم
اُسے سنوارنے رب کا وہ شاہ کار آیا
شبِ خموشِ لحد میں تجلّیاں ہوں گی
جو بے نقاب یہاں روئے تابدار آیا
انھیں کا عشق ہے مشعل فروزِ قلب و نظر
وہ خوش نصیب ہے جس دل میں اُن کا پیار آیا
نہ بے ضمیری مُشاہدؔ کے دل میں آے کبھی
مٹا دیں شیشۂ دل پر جو یہ غُبار آیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?