By: zaigham jaffery
بے وفا میں بھی نہیں اور تو بھی ہرجائی نہیں
آج بھی چاہت اگرچہ ہونٹ تک آئی نہیں
اس کا جوبن تیر بن کر دل پہ اترا ہے مگر
پھر بھی ان سے اپنی چاہت میں نے جتلائی نہیں
کیوں نہیں خوشبو صباء کے ہاتھ میں جانِ جگر
آج زلفِ عنبریں لگتا ہے لہرائی نہیں
آگئی شہرِ غضنفر میں جو بے خوف و خطر
کیوں ہرن بھی اس شہر میں آن گھبرائی نہیں
عشق میں خنجر اٹھا اور عشق پر چلنے لگا
کیوں خدارا ذہن سے یہ بات ٹکرائی نہیں
ہر کس و ناکس بلندی پیار کی پاتا نہیں
تحفہ ء قدرت ہے جانوں پیار رسوائی نہیں
داو پر جس کے لئے میں نے لگا دی ہر خوشی
جعفری میری تو اس نے بھی قدر پائی نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?