By: Azra Naz
دِل کا لٹنا عجب نہیں ہوتا
عشق میں ایسا کب نہیں ہوتا
کیا کہوں کس طرح گذرتی ہے
تو مرے پاس جب نہیں ہوتا
کیوں تمناؤں کے مزاروں پر
کوئی کتبہ نصب نہیں ہوتا
ہم جو ڈوبے تو کچھ وجہ ہوگی
ورنہ کچھ بے سبب نہیں ہوتا
ہیں ازل سے تمہارے شیدائی
ہم سے پاسِ ادب نہیں ہوتا
کوئی بھی چھوٹا کام کرنے سے
کم تو حسب و نسب نہیں ہوتا
چاہے کتنی کڑی بھی منزل ہو
کم تو شوقِ طلب نہیں ہوتا
ہر کسی میں کمی تو ہوتی ہے
کوئی انساں بھی رب نہیں ہوتا
بھول جائیں تمہاری چاہت کو
ہم سے ایسا غضب نہیں ہوتا
بات بے بات یونہی ہنس دینا
پہلے ہوتا تھا ، اب نہیں ہوتا
مفلسوں کو گرا نہ نظروں سے
مفلسی اک لقب نہیں ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?