By: رعنا تبسم پاشا
میرے بےخبر! کبھی دیکھ اِدھر
میرا چاکِ جگر ہے رفو کا منتظر
میرے بےنیاز! تُو پھر بھی ہے مجھے عزیز تر
میں تجھ سے غمِ یاراں کیا کہوں؟
میں تجھ سے افتادِ ناگہاں کیا کہوں؟
عقل و خرد زبوں سرکش میرا جنوں کیسے کہوں؟
کبھی پاس آ کے دیکھ ذرا
رہگذر دل کی بے زمیں ہے
وہ اندھیر کہ جس کے حال کا
کوئی پُرساں نہیں ہے
وہ چشمِ تر کہ جس کا درماں
رسمِ درد آشنائی رہی ہے
وہ زخمِ ہجر کہ جس کا مرہم
اِک نگاہِ شناسائی رہی ہے
کبھی تو اپنی نظر اٹھا
کبھی جو تجھے وقت ملا
میرے پاس آ کے دیکھ ذرا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?