By: Muhammad Faisal
ہماری خاطر یہاں پہ یارو کسی کو کوئی الم نہ ہوتا
اگر ہمارا مذاقِ شستہ کسی پہ تیغِ ستم نہ ہوتا
یہ مانا ہم ہی یہاں برے ہیں یہ مانا سب ہی یہاں بھلے ہیں
ہمارے ہونے سے سب کو غم ہے جو ہم نہ ہوتے تو غم نہ ہوتا
یہاں پہ رہ کے تو ہم نے دیکھا کہ ہم سے رہتے ہیں سب ہی نالاں
یہی بجا تھا کہ ہم نہ ہوتے تو شکوۂ ہائے الم نہ ہوتا
انا کی دیوار کو گرا کر وفا کی راہوں پہ چلنا سیکھا
اگر ہماری وفا نہ ہوتی کسی کا قائم بھرم نہ ہوتا
ہمارے دل پہ زخم وہ آئے کہ روح تک کانپ کانپ اٹھی
نشانِ ہستی بھی تم نہ پاتے اگر خدا کا کرم نہ ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?