By: عتیق مہدی
لاکھ چاہا، مگر بھلا نہ سکا
اس کو اپنا بھی میں بنا نہ سکا
میری نظروں سے دور جا کے بھی
میرے دل سے مگر وہ جا نہ سکا
اس کو لگتا ہے خوش ہوں بعد اس کے
بعد اس کے میں مسکرا نہ سکا
خوب واقف تھا میری حالت سے
میرے زخموں کی کر دوا نہ سکا
ایک مدت سے دور ہے لیکن
دور جا کے بھی دور جا نہ سکا
تھی میسر نہ ہم کو تنہائی
حالِ دل یار کو سنا نہ سکا
آرزووں کا ترجماں تھا وہ
ان لبوں پر جو حرف آ نہ سکا
اپنی قسمت میں رونا لکھا تھا
لاکھ چاہا میں مسکرا نہ سکا
کہنے کو بھول چکا ہوں تم کو
دل سے تم کو مگر بھلا نہ سکا
میں تو اب تک تمہارا اپنا ہوں
تم کو اپنا مگر بنا نہ سکا
دنیا ،عقبیٰ بھی وار کے تجھ پر
پیار تیرا میں پھر بھی پا نہ سکا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?