By: Shabbir Nazish
خسارے ہی خسارے میں ہوئی تھی
محبت استعارے میں ہوئی تھی
اور اس کے بعد سب کچھ بہہ گیا تھا
بس اک جنبش کنارے میں ہوئی تھی
مجھے پیکر میں جب لایا گیا تھا
نموداری ستارے میں ہوئی تھی
خدا سے میری پہلی گفتگو بھی
سراسر تیرے بارے میں ہوئی تھی
ترے اک روز ملنے کی بشارت
گماں کے استخارے میں ہوئی تھی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?