By: وشمہ خان وشمہ
شب کے ماروں سے کھیلنا ہو گا
جب بھی اپنوں سے کھیلنا ہو گا
پھول کھلتے نہیں چمن میں اگر
ہم کو کانٹوں سے کھیلنا ہو گا
دل بھی بہلے گا آج پہلو میں
تیری یادوں سے کھیلنا ہو گا
اب تری یاد کو بھلانے میں
دل کے زخموں سے کھیلنا ہو گا
رات اتری ہے آنکھ میں جب تو
سارے سپنوں سے کھیلنا ہو گا
اپنے آنگن میں کھل گئے ہیں اگر
وشمہ پھولوں سے کھیلنا ہو گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?