By: UA
رمضان کا مہینہ رمضان کا مہینہ
بندہ مومن کے امتحان کا مہینہ
اہل تسلیم و رضا و بندہ مومن کے
امتحاں کا ہے یہ مہینہ ایمان کا مہینہ
دن بھر کی عبادت شب بھر کی ریاضت کا
شام و سحر تلاوت قرآن کا مہینہ
خیر کا برکت کا توبہ کا مغفرت کا
انسانیت کا اور مسلمان کا مہینہ
تسلیم و رضا صبر و استقلال کا مہینہ
روح و بدن کے حسن کا رومان کا مہینہ
نیکی کے خزانے سمیٹنے کا مہینہ ہے
سیم و زر، لعل و گہر، مرجان کا مہینہ
صدقات کا، خیرات کا، زکٰوۃ کا مہینہ
بھائی کے لئے بھائی کے دل جان کا مہینہ
سحری و افطاری کے لطف و کرم کا موسم
امراء و غربا سب کے یک خوان کا مہینہ
اخوت کا محبت کا مساوات کا مہینہ
مسلم کے تشخص کا پہچان کا مہینہ
رمضان کا مہینہ رمضان کا مہینہ
بندہ مومن کے امتحان کا مہینہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?