By: Dr.Muhammed Husain Mushahid Razvi
خدایا ! دے تو مجھے دے بس آرزوئے رسول
کریں یہ قلب ونظر ، میرے جستجوئے رسول
’’بیاں قرآن نے والشمس میں کیا جس کا ‘‘
خدایا ! مجھ کو دکھا دے وہ حُسنِ روئے رسول
شفا مِلے نہ جسے قیمتی دواوں سے
مَلے وہ جسم پَہ اپنے غُبار کوئے رسول
خوشا وہ سر جو کٹے آپ کی محبت میں
زہے وہ دل کہ ہو جس دل میں آرزوئے رسول
تری نگاہ سرِعرش جا کے ٹھہرے گی
لگالے آنکھ میں اپنی غبارِ کوئے رسول
مری حیات بھی نازاں ہو موت پر میری
ملے جو دفن کی خاطر زمینِ کوئے رسول
زبانِ شوق سے کہتا رہوں میں صلِ علیٰ
قدم بنے یہ مرا سر چلوں جو سوئے رسول
چمن چمن ہے مُشاہدؔ اُسی سے مہکا ہوا
زمانے بھر میں جو پھیلی ہوئی ہے بوئے رسول
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?